ishq par zor naheeN, hai ye woh aatish 'GHalib'

Nuktaa cheeN hai GHam-e-dil usko sunaaye na bane

kya bane baat jahaaN baat banaaye na bane

maiN bulaata to hooN usko magar 'ei jazba-e-dil

uspe ban jaaye kuchch 'eisee ki bin aaye na bane

khel samjha hai kaheeN choD na de, bhool na jaay

kaash ! yooN bhee ho ki bin mere sataaye na bane

GHair firta hai liye yooN tere KHat ko ki agar

koee pooche ki yeh kya hai ? to chipaaye na bane

is nazaakat ka bura ho, woh bhale haiN to kya

haaNth aaye to unhaiN haaNth lagaaye na bane

keh sake kaun ki yeh jalwaa_garee kiskee hai

parda choDa hai woh usne ki uTHaaye na bane

maut kee raah na dekhooN ki bin aaye na rahe

tumko chaahooN ki na aao, to bulaaye na bane

bojh woh sar pe gira hai ki uTHaaye na uTHe

kaam woh aan paDa hai, ki banaaye na bane

ishq par zor naheeN, hai ye woh aatish 'GHalib'

ki lagaaye na lage aur bujhaaye na bane

[ nuktaacheeN = critic/sweetheart, nazaakat = elegance, jalwaa_garee = manifestation, aatish = fire ]

Bas ki dushwaar hai har kaam by Mirza Ghalib

Bas ki dushwaar hai har kaam ka aasaa.n honaaa

aadamii ko bhii mayassar nahii.n insaa.n honaa

Giriyaa chaahe hai Kharaabii mere kaashaane kii

dar-o-diivaar se Tapake hai bayaabaa.n honaa

waa-e-deewaangii-e-shauq ke har dam mujh ko

aap jaanaa udhar aur aap hii hairaa.n honaa

jalvaa az_bas ke taqaaza-e-nigah karataa hai

jauhar-e-aaiina bhii chaahe hai mizaGaa.n honaa

[Mirza Ghalib]

[dushwaar=difficult; mayassar=possible]

[giriyaa=wiping; kaashaanaa=small house; bayaabaa.N=wilderness]